Archive for the ‘ Imdad Aakaash ’ Category
Hawa ka aag mein tabdeel ho jana bhi mumkin hy
Dhuwan ban kar mera tehleel ho jana bhi mumkin hy
Ye mumkin hy safar insaan ka jari rahe yun hi
Aur iss ki ek din takmeel ho jana bhi mumkin hy
Ababeelen jo ub ta’eed e gaibi ki alamat hein
Kisi lamhe mein unn ka feel ho jana bhi mumkin hy
Agarche jannay walon k sath chalte hein
Magar hum apne sawalon k sath chalte hein
Talab to dekh hamari, tere nagar ki taraf
Hum apne paon k chalon k sath chalte hein
Sab apne apne tazadon k dam se hein zinda
Sab apne apne hawalon k sath chalte hein
Khoon k andar machalti khawhishon per zor kya
Jism ki in bay irada harkaton per zor kya
Ye sama’at hy meri jis per mujhe qabu nahi
Duur se aati hui in aahaton per zor kya
Continue reading
Wo mere sath hy lekin mujhe wo jaanta kab hy
Mera hamzaad mujh ko shakl se pehchanta kab hy
Kisi ki aarzu hy jo liye phirti hy awaara
Khushi se khaak sehraon ki koi chanta kab hy
Aao tumhe batlaen kaise khawb hamara banta hy
Lakhon chand ikathay hon to aik sitara banta hy
Kai samandar pee jata hy mitti ka her ik zarra
Phir ye zarray mil jate hein aur kinara banta hy
Meri ragon mein dorne wale khoon mein hy ye wasf ajeeb
Jab ye khoo’n zamee’n pe girta hy to para banta hy
Sehra mein tishnagi ka koi hal milay mujhe
Paani nahi to reit ki daldal milay mujhe
Pagal gali k log nazar aye hoshmand
Aaqil nagar mein ghoomte pagal milay mujhe
Ik justaju azl se mere sath sath hai
Mehnat ka meri ub to koi phal milay mujhe
My Behance Portfolio
Bazm-E-Ghazal 