Posts Tagged ‘ shayari ’
Udaasiyon k sabab jo likhna
to ye bhi likha …
k, chaand taaray
shabab aankhen
badal gae hein
wo zinda lamhe
jo teri rahon mein tere anay k muntazir thay
wo thak k sayon mein dhal gae hein
wo teri yaaden khayal tere
ranj tere, malal tere
wo teri ankhen, sawal tere
wo tum se mere tamam rishte
bikhar gae hein ujjar gae hein
udaasiyon k sabab jo likhna
to ye bhi likhna …
laraztay honton pe larkharati dua k sooraj pighal gae hein
tamam sapne he jal gae hein
Reit k zarron sa youn chantay phataktay rehna
Yeh he maqsoom hy apna k bhatakte rehna
Aise badla hy muqaddar k shab o roz younhi
Apne hathon se lakeeron ko jhataktay rehna
Ta dam e marg milay gi ye mohabbat ki saza
youn he tanhai ki sooli pe lataktay rehna
Na koi ehd na imkaan k aey ga koi
Bus isi tarha her ahat pe thitatktay rehna
Kya khabar youn he thamay gardish e ayyaam kaheen
Khaar ban kar younhi daman se ataktay rehna
Her koi dil ki hatehli pe hy sehra rakhe
Kis ko seraab kare wo, kisay pyasa rakhe
Umr bhar kon nibhata hy taaluq itna
Aey meri jaan k dushman ! Tujhe Allah rakhe !!
Hum ko acha nahi lagta koi hamnaam tera
Koi tujhsa ho to phir naam bhi tujhsa rakhe
Dil bhi pagal hy k uss shaks se wabasta hy
Jo kisi aur ka hone de, na apna rakhe
Hans na itna bhi faqeeron k akele pan per
Ja ! Khuda meri tarah tujh ko bhi tanha rakhe
Ye qan’aat hy, ita’at hy k chaahat hy FARAZ
Hum to raazi hein wo jiss haal mein jesa rakhe
Pyaas bakhshi hy to phir ajr bhi khul kar dena
Abr mangay meri dharti to samandar dena
Ye sakhawat mere shajray mein lkhi hy pehle
Apne dushman ko duaen tah e khanjar dena
Mere khaliq meri ankhon ko jo nam rakhta hy
Uss k sehraon ko daryaon k tewar dena
Shehr walo ! kabhi aezaaz jo taqseem karo
Mujhe sheeshay ka libada, usay pathar dena
Yaad aye jo mere baad sanwarna uss ko
Aey shab e hijr usay chaand ka jhoomar dena
Qarb Mohsin ki musafar k khudawand e jaleel
Khaak zadon ko sada bakht e sikandar dena
Mein ik nakaam sa, bhatka hua
ik shaks be maani
k jis ki soch ka her rabt toota hy
guma sa hy
k jis ki zaat k ander
kahin koi khala sa hy
jo mere lafz hein
mujhse he roothay hein khafa se hein
jo meri soch k mehwar hein
wohi mujhse juda se hein
mein, jese ho kisi selaab ki zad per shajar koi
k jis ko behr soorat doobna anjaam hona hy
safar chahe kahin ka ho
mujhe nakaam hona hy
meri tadbeer haray hy
meri apni lakeeron se
isay kehna usay kehna to bus
ilzaam dena hy
k mein ne apni herat ko
koi to naam dena hy
mein apni zaat ka qaidi
mein apni baat ka mujrim
mein apni jang ka munsif
mein apni qabr ka matam
mujhe khud se he milna hy
khud he se rooth jana hy
khud he khud ko manana hy
khud he ko aazmana hy
mujhe rukna kahan per hy
kahan se loat ana hy
abhi mujhko nahin maloom
mein kin raston pe chlti hun
wo kesi aag hy jis mein yunhi din raat
jalti hun
azal se bhatki hun ya ub mein rasta bhool bethi hun
mujhe tasleem karna hy
k
mein ik aam sa nakaam sa ik shaks hun
aur bus …
Baat ye tere siwa aur bhala kis se karen
Tu jafa kaar hua hy to wafa kis se karen
Aaina saamne rakhen to nazar tu aye
Baat jo tujh se chupani ho kaha kis se karen
Hath uljhe hue resham mein phansa bethe hein
Ub bta konse dhage ko juda kis se karen
Zulf se, chashm, lab o rukh se, k tere gham se
Baat ye hy k dil o jaan ko juda kis se karen
Tu nahi hy to phir aey husn e saaz bta
Is bharay shehr mein hum jaise mila kis se karen
Tu ne to apni si karni thi so kar li khawar
Masla ye hy k hum iss ka gila kis se karen
Hamesha sath mein rehne ki adat kuch nahi hoti
Jo lamhe mil gae jee lo, riyazat kuch nahi hoti
Jisay mehroomian milti hon wo he jaan sakta hy
Zubani hosla, jhooti murawwat kuch nahi hoti
Kai rishton ko jab parkha, nateeja aik he nikla
Zaroorat he sabhi kuch hy, mohabbat kuch nahi hoti
Kisi ne chor k jana ho to phir chor jata hy
Bicharna ho to sadyon ki rafaqat kuch nahi hoti
Taa’aluq toot jae to safeenay doob jate hein
Ye sab kehne ki baten hein, haqeeqat kuch nahi hoti
Mujhe yaad koi dua nahi, mere hamsafar abhi soch le
Tu meri jabee’n pe likha nahi, mere hamsafar abhi soch le
Abhi raasta bhi hy dhool mein, abhi faida bhi hy bhool mein
Abhi mujh ko tujhse gila nahi, mere hamsafar abhi soch le
Mein janam janam se naraz hun, mein janam janam se udas hun
Mein kabhi bhi khul k hansa nahi, mere hamsafar abhi soch le
Fareb e zaat se niklo, jahan k saanehy dekho
Haqeeqat munkashif ho gi, kabhi to ainey dekho
Wo aik ajnabi jis se, taaluq sarsari sa tha
Hamare dil mein hote hein, usi k tazkare dekho
Likha hy waqt ne ye bhi, ajab apne muqaddar mein
Palatna he nahi jis ko usi k raaste dekho
Mujhe gumnaam rehne ka kuch aisa shoq hy hamdam
Kisi benaam shehr ki bhatakti dhoop ho jaise
Jahan saaey taraste hon kisi paikar ki ahat ko
Jahan zinda na ho koi jahan bus moat rehti ho
Ya kuch aisa k darya k kahin us par keekar pe
Kisi chirya k bache ki tarapti pyaas ho jaise
My Behance Portfolio
Bazm-E-Ghazal 