Dunya ko to halaat se umeed bari thi
Parveen shakir
Dunya ko to halaat se umeed bari thi
Per chahne walon ko judai ki pari thi
Kis jaan e gulsitaan se ye milne ki ghari thi
Khushbu mein nahai hui ik shaam khari thi
Mein uss se mili thi k khud apne se mili thi
Wo jaise meri zaat ki gumm gushta karri thi
Yun dekhna us ko k koi aur na dekhe
Inaa’m to acha tha magar shart karri thi
Kam maya to hum thay magar ehsas nahi tha
Amad teri iss ghar k muqaddar se bari thi
Mein dhaal liye simt e aduu dekh rahi thi
Palti to meri pusht pe talwaar garri thi